1. Greiðslur
Bókun á ferð er bindandi samningur á milli farþega og ferðaskrifstofu.
Þegar ferð er bókuð greiðast 60.000 krónur í staðfestingargjald og skal það greiðast við bókun á ferð. Staðfestingargjald er alltaf óendurkræft.
Fullnaðargreiðslu þarf að ganga frá minnst 8 vikum fyrir brottför
Casa Maja áskilur sér rétt til að hækka verð ef forsendur útreikninga breytast verulega.
Einstaklingum undir 18 ára er ekki heimilt að versla ferðir af Casa Maja.
2. Afbókanir og endurgreiðslur
Ferðaskrifstofu er heimilt að fella niður ferð, ef í ljós kemur að þátttaka er ekki næg samkvæmt upplýsingum í ferðalýsingu.
Vegna atburða og aðstæðna sem telja má ófyrirsjáanlega og þess eðlis að ferðaskrifstofan getur á engan hátt haft áhrif á atburðarás, né afleiðingar tengdum þeim,ber ferðaskrifstofan enga ábyrgð. Í slíkum tilvikum er ferðaskrifstofunni heimilt að breyta eða aflýsa ferðinni með öllu, enda verði farþegum tilkynnt tafarlaust þar um.
Ferð sem er afpöntuð meira en 90 dögum fyrir brottför er að fullu endurgreidd fyrir utan staðfestingargjald.
Ferðaskrifstofa heldur eftir 50% af verði ferðar ef ferð er afpöntuð 71 – 89 dögum fyrir brottför
Engin endurgreiðsla er af ferð sem er afpöntuð 70 dögum eða síðar fyrir brottför.
3. Tryggingar
Ferðaskrifstofan tryggir hvorki farangur né farþega hvort sem flugsæti eru innifalin eða ekki.
Við ráðleggjum öllum farþegum að huga vel að tryggingamálum áður en lagt er upp í ferð. Það er á ábyrgð hvers og eins að vera með tryggingar í lagi.
Við hvetjum viðskiptavini til að huga vel að tryggingamálum sínum áður en lagt er upp í ferð.
Ferðatryggingar fást bæði hjá tryggingafélögum og greiðslukortafyrirtækjunum.
Athugið að þessar tryggingar geta verið mismunandi og vert er að kynna sér vel skilmála þeirra.
Gott er að hafa meðferðis Evrópska sjúkratryggingakortið sem hægt er að sækja um hjá Sjúkratryggingum Íslands.
4. Vegabréf og áritanir
Gætið vel að gildistíma vegabréfs fyrir brottför með Casa Maja.
Það er alfarið á ábyrgð farþega að afla sér upplýsinga um og tryggja sér þau ferðaskilríki og áritanir sem þarf að hafa meðferðis fyrir það land sem ferðast er til.
Áður en ferð hefst þarf að kanna hvort þörf sé á vegabréfsáritun eða öðrum skjölum. Upplýsingar er að finna á heimasíðu Utanríkisráðuneytisins.
Ef um millilendingar er að ræða þarf einnig að athuga hvort þörf sé á áritun á millilendingarstað. Athuga þarf einnig gildistíma vegabréfs því ákveðin lönd krefjast þess að vegabréf sé gilt í allt að 6 mánuði frá þeim degi sem landið er yfirgefið.
Góð regla er að ferðast ávallt með vegabréf, jafnvel þegar ferðast er innan Schengen svæðisins. Vegabréfið er eina alþjóðlega viðurkennda opinbera skilríkið.
5. Skyldur viðskiptavina
Ávallt skal fara að lögum og reglum í þeim löndum sem ferðast er til. Viðskiptavinir skulu hlíta fyrirmælum fararstjóra eða starfsfólks þeirra aðila sem Casa Maja skiptir við og taka tillit til samferðarmanna sinna.
Brjóti farþegi af sér er Casa Maja heimilt að senda viðkomandi heim á eigin kostnað, án endurkröfuréttar á hendur ferðaskrifstofunnar.
Casa Maja hefur heimild til að neita einstaklingum um þjónustu. Viðskiptavinur ber ábyrgð á því tjóni sem hann kann að valda með framkomu sinni.
Þeir sem ekki mæta á réttum tíma hvort sem er í flug eða aðrar ferðir hafa fyrirgert rétti sínum til bóta, verði hann af ferðinni af þeim sökum.
Við mælum eindregið með að viðskiptavinir geymi peninga og önnur verðmæti í öryggishólfum.
Hvorki gististaðir né Casa Maja eru ábyrg ef verðmæti tapast úr herbergjum.
6. Aðrir Skilmálar
Allir viðskiptavinir Casa Maja skulu hafa góða skapið meðferðis og muna að hafa GAMAN!
Casa Maja ehf.
KT: 560609-0270
VSK: 101696
Sigtún 3
450 Patreksfjörður